Plantun de Prouvènço

Pèr coumpara dos planto d'encò nostre

Potentilla caulescens & Lactuca alpina

Potentilla caulescens

Rosaceae

Nom en français : Potentille à tiges courtes.

Descripcioun :
Aquéu fragoun trachis en mato sus li paret de baus mounte ié flouris l'estiéu. La planto èi glandulouso e di proun peludo. La fueio a cinq (sèt) partido emé de fueioun qu'an un pichoun pecou. Ié dison, à la subsp. de Prouvènço, petiolulata.

Usanço :
A bessai li mémis usanço que d'àutri fragoun : lucha contro la cagagno e sarra li car (presènci de tanin).

Port : Erbo
Taio : 8 à 30 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 15 à 20 mm
Flourido : Estiéu

Sòu : Ca
Autour basso e auto : 400 à 2200 m
Aparado : Noun
Juilet à setèmbre

Liò : Baus - Roucas - Paret
Estànci : Subremediterran à Subaupen
Couroulougi : Ouroufito-Sud-Ouèst-Éuropo
Ref. sc. : Potentilla caulescens L., 1756

Laujo(-dis-Aup)

Lactuca alpina

Asteraceae Compositae

Nom en français : Laitue vivace.

Descripcioun :
Aquesto lachugo, pas trop coumuno, trachis en ribo de gaudre e dins li prado à rousèu (megafourbié) de mountagno. Se recounèis à sa grando taio e à si fueio verdalo, descoupado e sènso péu que fan pensa à li de Lactuca muralis. Si flour coumpausado soun d'un blu clar. Laujo o alaujo soun li noum douna à la laurigo, Lactuca perennis en Tiniò.

Usanço :
Dèu èstre manjadisso coume tóuti li lachugo fèro, pamens la vau miés pas acampa qu'èi pas di mai coumuno.

Port : Grando erbo
Taio : 0,6 à 2 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Lactuca
Famiho : Asteraceae
Famiho classico : Compositae

Ordre : Asterales

Coulour de la flour : Bluio
Petalo : >6
Ø (o loungour) flour : 2 à 4 cm
Flourido : Printèms - Estiéu

Sòu : Si (Ca)
Autour basso e auto : 1400 à 2400 m
Aparado : Noun
Jun à avoust

Liò : Prado à rousèu - Ribo de gaudre
Estànci : Mountagnard à Subaupen
Couroulougi : Ouroufito-Éuroupenco
Ref. sc. : Lactuca alpina (L.) A.Gray, 1884

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Potentilla caulescens & Lactuca alpina

ges

Coumpara Fragoun(-di-cambo-courteto) emé uno autro planto

Coumpara Laujo(-dis-Aup) emé uno autro planto